The world of Steypukall

2003-06-07T22:55:00.000Z

Jæja, nú er komið að því. Ég er að fara til Þýskalands með mörgum öðrum úr LTH. Reyndar þegar ég skrifa þetta þá er bara 5-6 klukkutímar þangað til ég fer.....en ég kem aftur. Bless elskurnar og sjáumst eftir 8 daga...!

2003-05-29T22:53:00.000Z

Buhu......aumingja ég.....ég er ekki virkur bloggar......mig langar svo til að fara að skæla.....! (Fyrir þá sem lesa þetta: Úr því að við lifum á þeim tímum að það er ekki hægt að heyra orð sem maður les í bókum eða á neti, þá er þetta hér á undan "sagt" í kaldhæðnistón).!!!

En úr því að það les enginn bloggið mitt þá skiptir það engu máli....!

En fyrir þá sem lentu inn á þessari síðu fyrir slysni eða þeim var boðin 100.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000 krónur fyrir að fara inn á hana þá...........ég er bara búinn að gleyma því sem ég ætlaði að segja eftir að hafa verið að skrifa allar þessar tölur.....en jæja....skiptum þá um umræðuefni. Einhver skal segja mér hversu stór upphæð þetta er í krónum, japönskum yen-um og rússnenskum rúblum.

Takk.

2003-05-24T01:33:00.000Z

Góða kveldið/dag öll sömul. Ég hef góða lífsreynslusögu að segja ykkur. Hér byrjar hún.....

Það var fyrir langa löngu (áður en Flemming fann upp Pensilínið) að nokkrir félagar úr LTH skyldu spila í álverinu í Straumsvík daginn 23.05.'03. Við þáðum boðið. 2 trommur, 1 horn, 2 trompetar, 2 flautur og 2 klarinett voru send á vit ævintýranna í Straumsvík að spila. Tilefnið var að spila á svokölluðum "tiltektar" dag í Straumsvík. Við þrömmuðum í skrúðgöngu og efldum báráttuandann í fólkinu til að taka saman. Það fór allt vel. Eftir það fundum við góðann graslund og okkur var boðið upp á drykkinn Magic og Prins Póló. 24 Magic og 30 Prins Póló voru innbyrð og að meðaltali fengu sumir 3 Magic og 3 Prins Póló. Eftir svo mikla innbyrði af Magic og Prins Póló voru sumir komnir í svokallaða "Hyper" vímu og tókum við (Eiríkur, Snorri, Ari, Erla, Björk og Oddný) þá ákvörðun að labba í Tónó, fá okkur smá göngutúr. Við lögðum af stað alsæl í vímu á Keflarvíkurveginn. Þið getið ímyndað ykkur hvernig er að labba við hliðina á Keflarvíkurveginum á meðan bílar keyra þar á 100. En allaveganna þá vorum við komin svolítið á leið og ég tók þá afdrífaríka ákvörðun. Ég hljóp út í hraunið og var viðskila við hópinn minn. Eftir stutta stund var ég kominn inn á Green-ið á einni af 18 holunum á golfvellinum á Hvaleyri. Ég hitti þar Gústa Levi's og Davíð Heimir, þar voru þeir eins plebbalegir eins og þeir gátu, með derhúfur, í golfskóm og golfbuxum og með golfsettið á bakinu með nýfágaðar kylfurnar. Ég sagði þeim að ég hafði týnst í hrauninu en hafði komist á leið aftur. Eftir þessi slepptu orð tóku óhöppin að elta mig. Er ég var búinn að taka tvö skref í átt að golfskálanum þá steig ég í golfholu og datt kylliflatur á Green-ið og gerði grasgrænu í sparibuxurnar. Ég stóð upp og hélt ótrauður áfram. Þið getið ímyndað ykkur einhvern strák með trompet í hendinni í rauðri úlpu, hlaupandi á golfvelli og allir að spá í hvaðan hann kom. En ég stytti mér leið yfir hraunkamb og þá var greinilega kríuhreiður nálægt og ein kría byrjaði að elta mig. Ég öskraði og hljóp eins og fætur toguðu og náði að stinga hana af. En er ég hélt áfram rann kalt vatn milli skins og hörunds. Ég uppgötvaði að ég væri á móti golfurunum og rétt í því skaut golfari af teig golfkúlu sem stefndi á mig en ég náði að forðast hana. Hélt ég áfram að labba og er ég var kominn frá golfvellinum þá byrjaði að rigna. Nei, aldeilis ekki. Ég hafði gengið í vatnsúðara í einum af görðunum. Blautur og kaldur hélt ég áfram, staðráðinn í því að komast í Tónlistarskólann. Hjá höfninni gaus upp versta fiskilykt og ég var nær kafnaður. Eftir smá risp á hendina þá komst ég að Tónó nær dauða en lífi. Ég safnaði smá kröftum og hélt á æfingu hjá The Big Bandits.

Þótt þetta kemur fyrir mig þá gerist þetta örugglega líka fyrir þig. Hafðu bara varann á og gættu þín á fljúgandi golfkúlum. Ég ætla að enda þessa lífsreynslusögu á smá texta.....

This is the end
my only friend the end......

Takk fyrir mig.....!

2003-05-19T17:12:00.000Z

Er ekki lífið frábært....?

2003-05-16T15:09:00.000Z

Ég hef nú ekki mikið að segja því ég blogga ekkert fyrr en ég er líklega búinn í prófunum. En Comments koma bráðum á bloggið mitt.....sjáumst...!

2003-05-12T13:37:00.000Z

Hið eilífa stress sem fylgir lífinu. En það kemur í mörgu formi. Ég er t.d. að ganga í gegnum eitt. Prófin. Það er helvíti á jörðu. En ég samgleðst 10. bekkingum því þeirra kvöl í helvíti er lokið. En mín er eftir. Þetta lendir allt í einni flækju. En ég segi ekki meir...........

2003-05-11T12:39:00.000Z

Jæja, 22.02.'03 var merkisdagur. Þá bloggaði ég síðast. En það er margt mikilvægara en það. Kosningarnar voru að klárast og guði sé lof að Ingibjörg komst ekki á þing. Sjálfur er ég frekar sjálfstæðismaður en Samfylkingin en þrátt fyrir það, fór ég á flakk með Snorra gamla og Ingimari von Lennon á kosningakveldinu. Eina partýið sem við fundum var Samfylkingin í Hásölum. Við droppuðum þangað inn og hittum margt skemmtilegt fólk. T.d. Leifur Helga sem er snillingur, en þegar hann kennir er hann ekki alveg á námsefninu. Gerði saumakonu til margra ára, sem kennir við Víðistaðaskóla (ég held að hún hafi verið eitthvað kennd). Tryggvi góði trompetkall sem var í Lúðrasveit Hafnarfjarðar en stundar hana ekki lengur, en kemur samt alltaf á 17.júní til að spila með. En áfram hélt kosningasvaðilför okkar og boðið var upp á osta. Ég fékk mér venjulegan ost sem var í bútum. Mér sveið í góminn. Við kumpánarnir héldum áfram og kíktum á Shalimar, fengum okkur að drekka en áður en ég fékk mér Fanta, þá rann kalt vatn milli skins og hörunds. Ég hafði gleymt debetkortinu mínu á Bæjar-vídeó. Ég vona að það sé þar ennþá, ég kíki þangað bara eftir vinnu. En allavegann þá fórum við í Hellisgerði, og þar var ekki nokkur sála, nema kannski við. Snorri leiddi okkur í gegnum Gerði-Hellanna og kryfjaði upp sögu sína um unglingavinnuna sumar áður. Við rákumst á 2 stráka, sem voru eitthvað ekki með í heiminum og voru að leita að einhverju dópi sem þeir földu í Hellisgerði. Kvöldið endaði þannig að Ingimar múnaði á Snorra þannig að upphófst eltingarleikur niður Reykjarvíkurveginn en Snorri náði honum. Ingimar reif sig lausan og við hlupum í átt að Samfylkingarfundinum. Við hittum Kristján Helga þannig og við fylgdumst með sjónvarpsbílnum sem var fyrir utan fundinn. Ég sló Ingimar utan undir, Ingimar sló mig til baka og við fórum sinhvora leiðina heim. Góða nótt.

2003-04-22T12:01:00.000Z

Já, blessaðar flugurnar er komnar. Ég hef lent í umræðum um bloggið mitt. Afhverju þarf ég að blogga á hverjum einasta degi. Segja kannski, "ohh ég fór í klippingu" eða "Mér líður svo vel þegar sólin skín". Ég blogga bara þegar mér sýnist. En það er ekki umræðuefnið mitt í dag. Ég hef nokkurt á hjartanu til að segja ykkur.

1. Sumardagurinn fyrsti er eftir 2 daga.
2. Flugurnar er komnar.
3. Sólin er heit.

2003-04-20T18:39:00.000Z

Góðann Páskadag. Eins og margir taka eftir þá er ég ekki búinn að vera blogga lengi. Það er langt síðan ég bloggaði síðast, rúmur mánuður, og þetta er eina sem ég ætla að segja um leti mína við að blogga. Páskadagur er að verða búinn og ég er ennþá með illt í hálsinum eftir að læknarnir tóku mína heittelskuðu hálskirtla. Páskarnir eru heilagir hjá sumum en hjá öðrum þá er þetta kallað "Eggjahátíðin" eða "Fæðingardagur súkkulaðsins" eða "Innganga Eggjanna í Nasaret" eða "Þegar Eggin heimsóttu jörðina upp frá dauðum". Ég get sagt ykkur það að á þessum tíma fyrir mörgum árum síðan þá var gamall smiður að búa til súkkulaði bát í baðinu sínu og þegar hann rann á sápustykki hjá baðinu þá steyptist hann í baðið og upp komu loftbólur sem líktust eggjum. Hann tók þau og bjó til gat á bakhliðinni og setti ónýtan hálsbrjóstsykur í eggið og skrifaði litla setningu á miða og á miðanum stóð "Sápa hjá baði og þú liggur dauður hjá baðinu ef ekki er súkkulaði í því". Þannig varð fyrsti málshátturinn til og fyrsta páskaeggið til.

2003-03-12T19:54:00.000Z

Halló. Eins og þið hafið tekið eftir þá hef ég verið latur við að blogga. En ég átti miklu meira til við að stressast yfir þannig að ég hafði ekki tíma við það. En biðin er á enda. Nýtt blogg birtist hér að neðan.

Úr því að það nálgast þá vil ég minnast á það. Til er keppni sem heitir Músiktilraunir og er byrjuð en stórir hlutir munu gerast á morgun, 13.03.'03. Á stokk munu stíga í Hinu húsinu kl. 20:00 hin háttvirti Fjöllistahópur Mujaffa og munu þeir gjörsamlega freta allt til fjandans. Við munum spila gott og létt Hip-hop í smá sýru-djazzi. En þetta er bara ágiskun því það mun aldrei vera leyst hin dularfulla ráðgáta um tónlist Mujaffa. Ég þarf að drífa mig samt núna en ég mun koma með eitthvað verðugt blogg þegar ég mun hafa meiri tíma (en það er allt verðugt þegar Mujaffa á í hlut).

Eiríkur Rafn, trompet-trommari og hljómborðsleikari Mujaffa.

P.S. Úr því að við erum að tala svona mikið um Mujaffa þá er áhugasömum bent á að fara inn á nýbakaða heimasíðu okkar: www.mujaffa.tk.

2003-03-06T22:09:00.000Z

Góða kveldið eða kveldið núna af því að klukkan er 21:38 þegar ég skrifa þetta. Ég var að fletta Íslenskri Orðsifjabók og rakst á nokkur orð sem notuð eru í daglegu tali og nokkur sem notuð eru í ó-daglegu tali ef svo má að orði komast. Ég vona að þetta mun koma til með að auka orðaforðann ykkar.

Kúalubbi, n: Kúasmali.
Gibbagibb, uh: Kallorð, notað til að kalla á sauðfé.
Gollurbólga, kv: Bólga í gollrinum. (Ég veit ekki einu sinni hvað gollr er).
Júbb, -s, h: Lafandi brjóst, hengibrjóst.
Júbílera, -aði, s: halda afmælishátíð.
Kúdda, -aði s: drepa, ráða af dögum.
Kúltna, -aði, s: kafna, svelgjast á.
Miðlungur, -s, -ar, k: óþroskað ber.
Mjamta, -aði, s: æmta, gefa frá sér veikt hljóð, það mjamtaði í henni.

Úr þessu getum við búið til eina litla sögu.

Kúalubbinn var að ganga út í haga þegar hann kallar á kindurnar. "Gibbagibb" segir hann og sauðféð hópast í kringum hann. "Ég er með eina sögu handa ykkur beint úr torfbænum." Kindurnar biðu spenntar á meðan smalinn byrjaði. "Þið munið eftir henni ömmu, þessi þarna með Gollurbólguna". "Jújú" jörmuðu kindurnar. "Hún var að halda Júbileru þegar ég tók eftir því að hún var með bombandi Júbbur. Ég stóð á gati á meðan ég var að hugsa um áætlun hvernig ég gæti Kúddað hana. Ég labbaði upp að henni og gaf henni Miðlung í afmælisgjöf. Hún henti honum í sig og þá byrjaði hún að Kúltna all svakalega. Amma datt kylliflöt á gólfið og Mjamtaði pínulítið áður en hún gaf upp öndina. Ég held næst að ég Kúddi Afa Grjónapung".

Takk fyrir......!

2003-03-05T19:14:00.000Z

Ég er mjög reiður núna. Eins og flest allir sem stunda tónlistina í Tónlistarskóla Hafnarfjarðar þá þarf maður að taka 7 ár í tónfræði. Falleinkun var 6.7. Mér fannst það allveg nóg miðað við það hversu tónfræðin getur verið snúin. En núna er búið að hækka hana upp í 7.0 og er ekki til meiri heimska í því. Þannig að það er vika í próf dauðans, tónfræðipróf. En á léttari nótunum er allt í lagi. Ég byrja í skólanum á morgun eftir 3 daga vetrarfrí, vá maður 3 dagar. En það varð náttúrulega að vera frí á degi litlu krakkanna sem labba um bæinn í grímubúningum og sníkja nammi. Fyrir vikið fara börnin að fá illt í maga og loka sig inni í herberginu sínu og háma í sig nammi. Akkúrat á þessum degi deyja að minnsta kosti 20 börn víðsvegar um landið af nammiáti. Þessa andskotans ósiður frá Bandaríkjunum að sníkja nammi, ekki furða þó Kanarnir eru svona feitir. Ég geri uppreisn einhvertíman seinna. En þangað til er ekkert hægt að gera til að stoppa hinn ógurlega nammipúka sem leggst á allt og alla.

Verið á verði.....!

2003-03-04T23:39:00.000Z

Halló Skralló, hvað segist? Það er erfitt að halda svona Bloggi gangandi, úff maður. Maður hefur stundum ekkert að segja. En eins og vanalega talaði ég við Snorra og hann bað mig um að nefna sig á þessu bloggi.

Snorri er strákur. Hann býr í Hafnarfirðinum. Ég er góður vinur hans og hitti hann næstum á hverjum degi. Ég hef þekkt hann í mörg ár og kynnst honum mikið. Snorri er vægur Anarkisti. Trúir ekki á Guð og fermdist ekki. Hann er stoltur af sjálfum sér að hafa ekki fermst. Snorri trúir á kommúnistann og hatar af öllu hjarta hinn Plebba-lega kapítalisma. Hann hefur því miður stigið fæti sínum inn í höll kapítalismans. Smáralindin er staður það sem Snorri myndi vilja brenna til grunna. Hann er dáður dýrum og gerir engum mein. Sigurrós er hans fyrirmynd og hann hlustar á hana í lítravís. Ég myndi ekki geta ímyndað mér Snorra án Sigurrósar. Líf Snorra tók harkalega stefnu þegar hans besta og virta plötubúð Hljómalind var lokað. Ég vona að Snorri detti ekki í þunglyndi þegar líður á tímann, að hann fái ekki fráhvarfseinkenni með því að fara ekki í Hljómalind. Ég tel það samt gott að draga úr Hljómalindarferðum hans, því ég held að þar sé stunduð grasreykingar og ég vil ekki að Snorri detti í þá gryfju. Snorri er trommuleikari af "Guðs" náð ef ég segi svoleiðis og mun hann verða síðhærður trommuleikari í hinni nýju Sigurrós ef ég tel mína spá rétta.
Þannig að ég lýk máli mínu hér og ef hláturinn lengir lífið þá vil ég þakka Snorra fyrir að lengja líf mitt með sínum húmor. Ekki bara húmor kitlar mínar hláturtaugar heldur einnig hvernig hann gerir skondna hluti svo ekki má nefna þegar hann gleypti heila mandarínu með hýði og öllu og það hefur að minnsta kosti lengt mínar lífslíkur um einn dag eða svo.
Snorri lifðu heill og mundu, það er í lagi að fara í Kringluna og baða Hrafn upp úr súrmjólk. Megið Guð fylgja þér um aldir og ævi (smá djók).

Eiríkur Rafn Stefánsson.

2003-03-03T23:10:00.000Z

Ég hef verið svona að taka eftir því að ef maður vaknar um morgunn og fer síðan aftur að sofa þá dreymir manni miklu meir. Eins og hún systir mín vakti mig í morgun og ég fór síðan að sofa aftur þá dreymdi mig skrýtinn draum.
Ég man fyrst eftir honum þegar ég var einhversstaðar og var að kaupa eitthvað 8 flugmiða til Kaupmannahafnar og ætlaði að fara með nokkrum vinum. En þeir beiluðu á mér svo ég hrigndi bara í pabba minn og við ætluðum að fara saman. Ég tók strætó heim og labbaði inn og viti menn, það var allt út í fötum um allt húsið. Ég reyndi að týna það saman en ekkert gekk eins og venjulega í draumun, sbr. við það þegar maður getur ekki hlupið og það er óþægilegt. En allaveganna þá var vinur minn þar líka og hann var að fara líka til Danmerkur. Allt í einu var ég kominn í Tónlistarskólann eða réttara sagt í húsið sem er á bakvið Fjörukrána og var að spila eitthvað sem trompetkennarinn minn lét mig fá. En eins og alltaf gekk ekkert upp og trompetkennarinn var allveg miður sín.
Talandi um hana systur mína (yngri systurina) þá getur hún látið eins og hún sé á sýrutrippi eða nýbúin að reykja jónu. Ég var í tölvunni og stóð upp og ætlaði að labba niður stigann þá situr hún þar og starir út í loftið. Ég horfði á hana og hún byrjaði að steypa út úr sér og samtal okkar fór á þann veg:

Eiríkur: Hvað er að?
Brynhildur: Það er fluga!
E: Hvar er fluga?
B: Á hurðinni hjá mömmu!
Ég horfði á hurðina en sá ekkert.
E: Ég sé enga flugu!
B: Sko, þú fara og taka þessa bók og skamma flugu!
E: HA?
B: Já, þú gera það!

Ég stóð á gati og bornaði ekkert í henni. Þetta átti ekkert að koma mér á óvart en hvað getur maður gert.
Og eitt enn. Ég var að spá. Mamma sagði inní eldhúsi, "Hvaðan kemur þessi gaffall?". Ef maður spáir í það, hvaðan koma allir hlutir? Hvaðan kemur blaðsíðan í bókinni. Hvaðan kemur sandurinn á ströndinni, hvaðan kemur dropinn í loftinu. Ef maður gæti nú bara rakið hlutinn til byrjunarinnar á honum. En það er svo margt sem maður getur ekki gert í þessum heimi.

Ég stóð á gati
á meðan systrar varir lugu
það verður komið með haus á fati
þegar Sóley berst við flugu.

Þess má til gamans geta að systir mín er að hoppa um húsið að biðja mömmu um að koma með flugnabana og þá veit maður það að blessaðar flugurnar eru komnar.

2003-03-02T21:02:00.000Z

Það er búið að vera helvíti í dag hjá mér. Ég fór í vinnuna og það var ekkert smá að gera. 168 manns að fara. En þá þarf ég að sortera þvottinn niðrí þvottahúsi sem er kannski létt að hugsa um það en það er leiðinlegt til lengdar. Að fá á sig allskonar flösu og svo ekki sé minnst á það hverjir eru búnir að liggja í kringum þessi rúmföt og hvað er búið að fara í þau.....ég ekki einu sinni gera mér hugarlund um það. Það er öskrað, barið, spýtt og hrækt, pissað, kúkað, gubbað og snýtt sér í mig bókstaflega í vinnunni. Nei, ég segi það nú ekki, þetta er ágætt. Maður er samt allveg búinn í skrokknum en gott er að fá sér smá vetrarfrí frá skólanum næstu 3 daga. En hugsið ykkur 3 dagar ekki mikið en smá tími til þess að slaka á. Ég veit, ég hef ekkert skemmtilegt að segja frá, þetta er jú mitt fyrsta blogg. Ég mun færa útí kvíarnar þegar líður á tímann. Vonandi hafi þið það sem best.

Sjáumst.....!